काठमाडौं । मातातिर्थ सामुदायिक अस्पतालले अक्सिजन प्लान्ट निर्माण सुरु गरेको छ । करिब ७४ लाख लागतमा उक्त प्लान्टको निर्माण सुरु गरेको हो ।
निर्माण सकेर एक महिना भित्रमा नै अस्पतालले अक्सिजन उत्पादन सुरु गर्ने चन्द्रागिरि नगरपालिका–८ का अध्यक्ष तथा नगर स्वास्थ्य संयोजक सन्तोस खड्काले बताएको बताउनुभयो । यो अक्सिजन प्लान्टबाट दैनिक ४० भन्दा बढि ठूलो सिलिन्डर भर्न सकिने उहाँकाे भनाइ छ । यतिबेला प्लानको फाउन्डेसनको काम धामाधम भइरहेको नगर भैतिक पुर्बधार समिति संयोजक तथा वडा-१५ का अध्यक्ष उत्तम राउतले जानकारि दिनुभयो ।
वडाको आन्तरिक स्रोत र दाताहरुको आर्थिक सहयोगमा यो अक्सिजन प्लान्ट निर्माण सुरू भएकाे हाे । हालसम्म दाताहरुबाट १५ लाख ७७ हजार ४४३ रुपैयाँ संकलन भइसकेको छ भने सहयोग आउने क्रम अझै जारि रहेको छ ।
हाल नगर भित्र दैनिक ४० देखि ५० सिलिन्डर अक्सिजनको माग रहेको छ। प्लान्ट स्थापना सँगै नगरपालिका अक्सिजनमा आत्मनिर्भर हुने अध्यक्ष खड्काको दाबि छ ।
काेराेनाकाे दोश्रो भेरियन्ट सुरु भए सगै चन्द्रागिरि नगरपालिमा संक्रमितको संख्या ह्वात्तै बढेको छ । हालसम्म नगरमा ४१८६ संक्रमित भएका मध्य ३४८७ जनाले कोरोना परास्त गरिसकेका छन् । २५ जना आइसोलेशन र अस्पतालमा उपचारत छन् भने ६२९ जना होम आइसोलेशनमा बसेका छन् । कोरोना सक्रमणकै कारण चन्द्रागिरि नगरपालिमा ५४ जनाको मृत्यु भइसकेको छ ।
वि.सं.२०७८ जेठ १५ शनिवार १२:०६ मा प्रकाशित
