काठमाडौं । सरकारले राष्ट्र सेवक कर्मचारीहरुको तलब मासिक २ हजार रुपैयाँ वृद्धि गरेको छ ।
शनिबार आगामी आर्थिक वर्ष २०७८/८९ को बजेट भाषण गर्दै अर्थमन्त्री विष्णु पौडेलले बालविकास कर्मचारीको तलब वृद्धि भएको जानकारी गराउनुभएको हो ।
साउन १ गतेदेखि लागू हुनेगरि वृद्धि गरिएको अर्थमन्त्री पौडेलले जानकारी गराउनुभयो । तलबवृद्धि भएसंगै मुख्य सचिवको ६७ हजार १३६ रुपैयाँ पुगेको छ । हाल मुख्य सचिवले ६५ हजार १३६ रुपैयाँ मासिक तलब पाउँदै आएका थिए ।
राष्ट्रसेवकको थपिएको २ हजार रुपैयाँसहित अब सचिवहरुको ६२ हजार ६७६, सह–सचिवको ४९ हजार ३७७, उप–सचिवको ४२ हजार ३८०, शाखा अधिकृतको ३७ हजार ९९० रुपैयाँ पुगेको छ ।
यस्तै, नायव सुब्बा (अतिरिक्त तलबमान) को ३२ हजार ८१६, नायव सुब्बाको ३० हजार २ सय, खरिदार (अतिरिक्त तलबमान) को २९ हजार ५६४ र खरिदारको २८ हजार ६०४ रुपैयाँ पुगेको छ ।
वि.सं.२०७८ जेठ १५ शनिवार १८:५४ मा प्रकाशित