काठमाडौं । साताको पहिलो कारोबार दिन सेयर बजार १२.५४ अंकले बढेको छ । बजार परिसुचक २८२७.९३ अंकको बिन्दुमा पुगेर बन्द भएको छ । आइतबार कारोबार रकममा पनि उछाल आएको छ ।
बजेट लगत्तै कारोबार रकम नयाँ रेकर्ड कायम भएको हो । आइतबार १७ अर्ब २ करोड ८४ लाख ३२ हजार रुपैयाँ बराबरको सेयर कारोबार भएको छ ।
उक्त दिन बैंकिङ १९.९४ अंक, विकास बैंक २५५.२५, फाइनान्स ८३.९१, होटेल तथा पर्यटन १३७.३६, जीवन बीमा ९६.०१, निर्जीवन बीमा ६४.१२, म्युचुअल फण्ड०.५५ अंकले वृद्धि भएको छ ।
यस्तै, आज जलविद्युत समूह ०.६६ अंक, लगानी समूह ०.२७, उत्पादक तथा प्रसोधन ५.३१, माइक्रोफाइनान्स ७४.४०, ब्यापार समूह ४०.२७ र अन्य ५४.६४ अंकले घटेको छ ।
कारोबार रकमले रेकर्ड बनाएको दिन सबैभन्दा धेरै नेशनल हाइड्रोपावर कम्पनीको भएको छ । उक्त कम्पनीको ४७ करोड ४० लाख ९० हजार रुपैयाँ बराबरको सेयर कारोबार भएको हो ।
कारोबारकै आधारमा दोस्रो स्थानमा रहेको अरुण कावेली पावरको ४६ करोड ९२ लाख ६३ हजार रुपैयाँ बराबरको कारोबार भएको छ ।
यस्तै, युनाइटेड मोदी हाइड्रोपावरको ४१ करोड ३१ लाख ४४ हजार, बुटवल पावर कम्पनीको ४१ करोड २८ लाख ५७ हजार र अपि पावरको ४० करोड १३ लाख ४२ हजार रुपैयाँ बराबरको कारोबार भएको छ ।
वि.सं.२०७८ जेठ १६ आइतवार १५:०९ मा प्रकाशित