काठमाडौ । अर्थमन्त्री बिष्णु प्रसाद पौडेलले सरकारले आगामी आवको लागि ल्याएको बजेट सुनाउन मात्रै नभएर कार्यान्वयन गर्नेगरी ल्याएको बताउनु भएको छ ।
आगामी आवको बजेटपछि आयोजित पत्रकार सम्मेलनमा उहाँले यस्तो बताउनु भएको हो । उहाँले यो बजेट कार्यान्वयन हुने र त्यसमा शंका नगर्न आग्रह गर्नुभएको छ ।
सरकारले यो बजेट संवैधानिक व्यवस्था अनुसार नै ल्याएको, संविधानको प्रबन्ध अनुसार बजेट ल्याएको बताउनुभयो । प्रतिनिधिसभा विघटन भएपनि जेठ १५ मा नै बजेट ल्याउनु पर्ने कानूनमा उल्लेख भएको स्मरण गराउनु भयो । आर्थिक कृयाकलालाई नियमित गर्ने सरकारको प्रयास रहेको बताउनुभयो । कोरोनाको रोकथान, नियन्त्रण र उपचारको लागि लागि बजेट केन्द्रित उहाँको भनाइ छ ।
खोपको प्रबन्ध गरेर नागरिकको जीवन रक्षा गर्ने जिम्मेवारी सरकारको काँधमा रहेको उहाँको भनाइ छ । सरकारले आगामी दिनमा पनि अग्रमोर्चामा रहेर काम गर्ने बताउनुभयो ।
बजेटले आर्थिक अवस्थालाई पुरानै अवस्थामा फर्काउन सक्ने बताउनु भयो । यो सरकारले यो बजेट कार्यान्वयन गर्छ । उहाँले अब हुने निर्वाचनको लागि आवश्यक बजेट विनियोजन गरेको बताउनु भयो ।
वि.सं.२०७८ जेठ १६ आइतवार १५:२० मा प्रकाशित