काठमाडौं । साताको पहिलो कारोबार दिन विभिन्न १७ कम्पनीको सेयर मूल्यमा उछाल आएको छ । कारोबार रकमले नयाँ रेकर्ड बनाएको दिन १७ कम्पनीको सेयर मूल्य उच्च दरमा वृद्धि भएको हो ।
आइतबार ज्योति विकास बैंकको सेयर मूल्य १० प्रतिशतले वृद्धि भएको छ । प्रतिकित्ता ३३ रुपैयाँले वृद्धि ३६३ रुपैयाँ पुगेको छ ।
आज आँखु खोला जलविद्युत कम्पनीको सेयर मूल्य ९.९६ प्रतिशत, घलेम्दी हाइड्रोको ९.९६, गुडवील फाइनान्सको ९.९५, लुम्बिनी विकास बैंकको ९.९४, साइन रेसुङ्गा डेभलपमेन्ट बैंक ९.९१, सोल्टी होटेलको ९.९१ प्रतिशतले वृद्धि भएको छ ।
यस्तै, ओरेन्टल होटेल्स, खानीखोला हाइड्रोपावर, जोशी हाइड्रोपावर, दिव्याश्वरी हाइड्रोपावर, समृद्धि फाइनान्स, युनियन हाइड्रोपावर, सांग्रिला डेभलपमेन्ट बैंक, सिन्धु विकास बैंक, महालक्ष्मी विकास बैंक र रिलायन्स फाइनान्स कम्पनीको सेयर मूल्य ९ प्रतिशतभन्दा धेरै वृद्धि भएको छ ।
हेर्नुहोस्, कुनको कति बढ्यो ?
वि.सं.२०७८ जेठ १६ आइतवार १५:३० मा प्रकाशित