काठमाडौं । आइएमई ग्रुपअन्तर्गत संचालित आइएमई मोटर्सद्वारा प्रवद्र्धित अशोक लेलैण्डले प्रदेश नं. २ को आन्तरिक मामिला तथा कानून मन्त्रालयलाई नौ थान दमकल हस्तान्तरण गरेको छ ।
प्रदेश नं.२ को माग अनुसार नेशनल फायर सेफ र आईएमई मोटर्सको संयुक्त कार्यमा मन्त्रालयलाई हस्तान्तरण गरिएको बताएको छ ।
मन्त्रालयका पदाधिकारीहरुको उपस्थितीमा आइएमई मोटर्सका कर्पोरेट सेल्स हेड सुशिल राना थापा साथै नेशनल फायर सेफका प्रमुख खगेन्द्र कार्कीले ९ थान दमकल हस्तान्तरण गर्नुभएको हो ।
आन्तरिक मामिला तथा कानून मन्त्रालयका प्रवक्ता अवधकिशोर कुसवाहाले खरिद गरिएका दमकल आठै जिल्लाका प्रशासन कार्यालयलाई हस्तान्तरण गरिने बताउनुभयो । कुसवाहाले चालू आवको बजेटमा रकम निकासी गराइएकाले खरिद गरिएको बताउनुभयो ।
अशोक लेलैण्ड को १६१६ आई एलमोडलको च्यासिसमा बनाईएको दमकलमा जापानिज“शीबौरा कम्पनीको”पम्प प्रयोग गरिएको छ । जस्ले दमकल जान नसक्ने स्थानमा सजिलै पम्पको प्रयोग गरीदमकल जस्तै काम गर्न सकिने जनाएको छ ।
उक्त दमकलमा ५ हजार ५ सय लिटर पानी अट्ने क्षमता रहेको छ साथै दमकलमा ५ सय लिटर फोम भर्न सकिन्छ । जसले गर्दा आगलागी भएको ठाउँमा छिटै र सजिलै धनजनको क्षतीहुन बाट रोक्न सकिन्छ ।
कम्पनीका अनुसार यस प्रकारको अत्याधुनिक दमकल अग्नि नियन्त्रण कार्यमा उपयोगी हुनुका साथै नेपालको भौगोलीक वातावरण मैत्री भएको हुनाले यसको कार्यक्षमता निकै राम्रो रहेको जानकारी दिएको छ ।
केही महिना अगाडि अशोक लेलैण्डको दमकल नेपालका उर्लाबारी, लेटाङ, इनरुवा नगरपालिकाहरु, इटहरी उप–महानगरपालिका, बर्दियाको बाँसगढी नगरपालिका, काठमाडौंको चन्द्रागिरी नगरपालिका साथै नेपाल आयल निगमलाई हस्तान्तरण गरिएको थापाले बताउनुभयो ।
दमकलको कार्य क्षमता, यसमा रहेका अत्याधुनीक उपकरण, मर्मत खर्च कम हुने भएकोले नेपालमा बढी रुचाइएको कम्पनीले जनाएको छ ।
वि.सं.२०७८ जेठ १७ सोमवार १९:११ मा प्रकाशित
