काठमाडौं । चालु आर्थिक वर्षको १० महिनामा जिवन तथा निर्जीबन बीमा कम्पनीले १ खर्ब २३ अर्ब ५९ करोड रुपैयाँ बीम शुल्क आर्जन गरेका छन् ।
बीमा समितिका अनुसार यो अवधिमा जीवन बीमा कम्पनीले ९८ अर्ब ८९ करोड रुपैयाँ र निर्जीबन बीमा कम्पनीले २४ अर्ब ७० करोड रुपैयाँ बीमा शुल्क आर्जन गरेका छन् ।
१९ वटा जीवन बीमा कम्पनीले वैशाख मसान्तसम्म प्रथम बीमा शुल्क ३४ अर्ब २ करोड रुपैयाँ प्रथम बीमा शुल्क, ६४ अर्ब ३४ करोड रुपैयाँ नविकरण बीमा शुल्क र ५३ करोड वैदेशिक रोजगारी बीमा शुल्क आर्जन गरेका छन् ।
समितिका अनुसार सबैभन्दा बढी नेपाल लाइफ इन्स्योरेन्सले २६ अर्ब ८४ करोड रुपैयाँ बीमा शुल्क आर्जन गरेको छ । दोस्रोमा लाइफ इन्स्योरेन्स कर्पोरेशन रहेको छ । कर्पोरेशनले १४ अर्ब २८ करोड रुपैयाँ बीमा शुल्क आर्जन गरेको छ ।
नेशनल लाइफले ९ अर्ब २६ करोड रुपैयाँ बीमाशुल्क आर्जन गर्दा सरकारी स्वामित्वमा रहेको राष्ट्रिय बीमा संस्थानले ७ अर्ब १८ करोड रुपैयाँ बीमा शुल्क आर्जन गरेको छ ।
यस्तै मेट लाइफले ४ अर्ब ३६ करोड, एशियन लाइफले ४ अर्ब ८० करोड रुपैयाँ र सूर्य लाइफले ३ अर्ब ४१ करोड, गुँरास लाइफले ३ अर्ब १३ करोड, प्राइम लाइफले ३ अर्ब २७ करोड, आइएमई लाइफले १ अर्ब ९८ करोड, युनियन लाइफले ५ अर्ब ४१ करोड, ज्योति लाइफले २ अर्ब ४३ करोड, सन नेपाल लाइफले १ अर्ब ८१ करोड, रिलायन्स लाइफले २ अर्ब १ करोड, रिलायबल लाइफले ३ अर्ब ३९ करोड, सिटिजन लाइफले २ अर्ब ७१ करोड, सानिमा लाइफले १ अर्ब ६२ करोड, प्रभु लाइफले १ अर्ब १८ करोड र महालक्ष्मी लाइफले ७२ करोड रुपैयाँ बीमाशुल्क आर्जन गरेका छन् ।
यस्तै संचालनमा रहेका २० निर्जीवन बीमा कम्पनीहरुमध्ये १९ वटाले चालु आवको १० महिनामा २४ अर्ब ७० करोड रुपैयाँ बीमा शुल्क आर्जन गरेका छन् । सरकारी स्वामित्वमा रहेको राष्ट्रिय बीमा कम्पनीको बीमा शुल्क आर्जनको तथ्याक उपलब्ध गराएको छैन ।
यो अवधिमा सबैभन्दा बढी शिखर इन्स्योरेन्सले ३ अर्ब १९ करोड रुपैयाँ बीमा शुल्क आर्जन गरेको छ । दोस्रोमा नेको इन्स्योरेन्स रहेको छ । नेकोले २ अर्ब ९ करोड रुपैयाँ बीमा शुल्क आर्जन गरेको छ ।
यस्तै नेपाल इन्स्योरेन्सले १ अर्ब ४ करोड, दि ओरियन्टलले ८७ करोड, नेशनलले ७२ करोड, हिमालयन जनरलले ९७ करोड, यूनाइटेडले ९१ करोड, प्रिमियरले १ अर्ब ५२ करोड, एभरेष्टले ८३ करोड, सगरमाथाले २ अर्ब ८ करोड, प्रभुले १ अर्ब २० करोड, आइएमई जनरल इन्स्योरेन्सले १ अर्ब २२ करोड रुपैयाँ बीमा शुल्क आर्जन गरेको छ । यस्तै प्रुडेन्सियल इन्स्योरेन्सको १ अर्ब १३ करोड, लुम्बिनीको १ अर्ब १० करोड, एनएलजी इन्स्योरेन्सको १ अर्ब ८१ करोड, सिद्धार्थको १ अर्ब ८८ करोड, जनरल इन्स्योरेन्सको ५६ करेड र अजोड इन्स्योरेन्सले १ अर्ब ६ करोड रुपैयाँ बीमा शुल्क आर्जन गरेका छन् ।
वि.सं.२०७८ जेठ १७ सोमवार १९:३९ मा प्रकाशित