back
NMB ad

यो बेला बजेट नल्याउ भन्नु कोभिड खोप नल्याउ भन्नु जस्तै हो: अर्थमन्त्री पौडेल

Kumari bank ad

काठमाडौं । अर्थमन्त्री विष्णु पौडेलले आगामी आर्थिक वर्षको बजेट कार्यन्वयन गर्नको लागि मन्त्रालयगत कार्ययोजना तय गरिने बताउनुभएको छ ।

सरकारले आगामी आर्थिक वर्षको लागि अध्यादेशमार्फत ल्याएको बजेट राम्रो हुँदा हुँदै पनि कार्यन्वयनमा शंका गरिएको भन्दै अर्थमन्त्री पौडेलले मन्त्रालयगत कार्यायोजन बनाएर सरकार अघि बढ्ने बताउनुभयो ।

नेपाल आर्थिक पत्रकार समाज (सेजन) ले आयोजना गरेको बजेटपछिको छलफलमा उहाँले स्पष्ट कार्ययोजना बनाएर अघि बढ्ने बताउनुभयो । सरकारले ल्याएको यसपछि आउने सरकारले पनि निरन्तरता दिने बताउँदै उहाँले निर्वाचनपछि पनि एमाले नेतृत्वकै सरकार बन्ने सामाथ्र्य राख्ने प्रतिक्रिया दिनुभयो ।

सरकारले आफ्नो जनताप्रतिको जिम्मेवारी पूरा गर्न र संविधानको कार्यन्यवन गर्नको लागि बजेट ल्याएको बताउँदै बजेट भित्र बसेर टिप्पणी गर्नको लागि उहाँले आग्रह गर्नुभयो ।

निर्वाचन घोषणा गरेको भनेर विषय परिस्थितिमा बजेट नल्याउ भन्ने टिप्पणी जिम्मेवार नहुने तर्क गर्दै अहिलेको परिस्थितीसँग सरकार जुधिरहेको जानकारी गराउनुभयो । ‘हामी कोभिड भनेर हात ठडाएर बस्दैनौ, आजको परिस्थितीसँग जुध्दै अघि बढ्छौँ’ मन्त्री पौडेलले भन्नुभयो ‘निर्वाचन हुदैछ बजेट नल्याउ भन्न मिल्दैन, बजेट नल्याउन भनेको यस्तो बेला कोभिड खोप नल्याउ, कोरोनाको विषम परिस्थितीसँग नजुध भने जस्तै हो ।’

उहाँले सरकार जनताको स्वास्थ्यप्रति जिम्मवार भएकै कारणले आवश्यक बजेट व्यवस्था गरेको जानकारी गराउनु भयो । ‘सरकार जनताको स्वास्थ्यप्रति जिम्मेवार छ, सबै जनतालाई भ्याक्सिन उपलब्ध गराउने अभिभारका साथ बजेट ल्याइएको छ’ ।

बजेट कान्वयनको लागि रचनात्मक सुझाब दिनको लागि उहाँको आग्रह छ । बजेट कार्यन्वयन गर्नकै लागि बनाइएको भन्दै उहाँले कार्य योजना बनाएर मन्त्रालय अघि बढ्ने जानकारी गराउनुभयो ।

राजनीतिक दलका टिप्पणीबाट भ्रमित नभइ आर्थिक क्रियाकलापमा लाग्नको लागि निजी क्षेत्रलाई सुझाब दिनुभयो । सरकारले ल्याएको बजेट आगामी सरकारले कार्यान्वयन गर्नै पर्ने उहाँको तर्क छ ।

निर्वाचन सरकारको रोजाइ नभएको भन्दै परिस्थितीको बाध्यता भएको तर बजेट कार्यान्वयनमा निर्वाचनले असर नगर्ने उहाँको भनाइ रहेको छ । उहाँले राजनीतिक दलहरूलाई बजेटका बुदाँ भित्र बसेर टिप्पणी गर्नको लागि पनि आग्रह गर्नुभयो । बजेटपछि निजी क्षेत्रको प्रतिक्रयाबाट आफू उत्साहित भएको उनको बुझाई छ ।

वि.सं.२०७८ जेठ १८ मंगलवार ०९:४५ मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...