काठमाडौं । साताको तेस्रो कारोबार दिन नेपाली बजारमा सुनचाँदीको मूल्य वृद्धि भएको छ । छापावाला सुनको मूल्य मंगलबार एकैदिन तोलामा ३ सय रुपयाँले बढेको छ ।
अघिल्लो दिन ९४ हजार २ सय रुपैयाँमा खरिदबिक्री भएको सुनका आज बढेर ९४ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार सोमबार ९३ हजार ७ सय रुपैयाँ कायम भएको तेजावी सुन आजका लागि भने ९४ हजार रुपैयाँ निर्धारण भएको जनाएको छ ।
यस्तै, मंगलबार चाँदीका मूल्य पनि वृद्धि भएको छ । तोलामा १० रुपैयाँले बढेको चाँदीको भाउ १३ सय ७० पुगेको छ । अघिल्लो दिन प्रतितोला १३ सय ६० रुपैयाँमा कारोबार भएको महासंघले जनाएको छ ।
वि.सं.२०७८ जेठ १८ मंगलवार १०:४२ मा प्रकाशित
