काठमाडौं । नेपाल राष्ट्र बैंकले हिमालयन बैंक, नेपाल इन्भेष्टमेन्ट बैंक तथा नवील बैंक र यूनाइटेड फाइनान्सलाई मर्जरमा जानको लागि लेटर अफ इन्ट्रेस्ट (एलओआई) दिने भएको छ ।
केन्द्रीय बैंकको बोर्ड बैठकले उ्रक्त संस्थाहरुलाई मर्जरमा जानको लगि लागि एलओआई दिने निर्णय गरेको स्रोतको भनाइ छ । हिमालयन बैंक र नेपाल इन्भेष्टमेन्ट बैंकबीच बैशाख ३० गते मर्जरका लागि सम्झौता पत्रमा हस्ताक्षर भएको थियो ।
१ बराबर १ को स्वाप अनुपातमा मर्जर गर्ने समझदारी पत्रमा सम्झौता भइसकेको छ । साउन पहिलो साताबाट एकिकृत कारोबार गर्ने दुवै बैंकको तयारी रहेको छ ।
स्रोतका अनुसार नवील र यूनाइटेड फाइनान्सले पनि एलओआई पाएका छन् । दुवै संस्थाले मर्जरको लागि बैशाख १७ गते सम्झौता पत्रमा हस्ताक्षर गरेका छन् ।
वि.सं.२०७८ जेठ १८ मंगलवार ११:४० मा प्रकाशित