काठमाडौं । साताको तेस्रो कारोबार दिन पनि सेयर बजारमा गिरावट आएको छ । मंगलबार बजार ११.६८ अंकले घटेको छ । बजार परिसुचक पनि १७७१.१५ अंकको बिन्दुमा पुगेर बन्द भएको छ ।
अघिल्लो दिनको तुलनामा कारोबार रकम पनि ह्वात्तै घटेको छ । सोमबार १३ अर्ब बढीको सेयर कारोबा भएको आज ८ अर्ब ५९ करोड ८१ लाख ६० हजार रुपैयाँमा सिमित भएको छ ।
उक्त दिन डेभलपमेन्ट बैंक, फाइनान्स र अन्य समूह केही अंकले वृद्धि भएका छन भने अरु समूह राताम्मे बनेका छन् । आज डेभलपमेन्ट बैंक २१.४१ अंक, फाइनान्स १.८८ र अन्य १४.७१ अंकले बढेको छ ।
मंगलबार नेपाल पुनर्बीमा कम्पनीको सबैभन्दा बढी कारोबार भएको छ । उक्त दिन कम्पनीको ५७ करोड ८ लाख १५ हजार रुपैयाँ बराबरको सेयर कारोबार भएको छ ।
कारोबारकै आधारमा दोस्रो स्थानमा रहेको लुम्बिनी विकास बैंकको ३० करोड ३८ लाख ५२ हजार रुपैयाँ बराबरको कारोबार भएको छ ।
वि.सं.२०७८ जेठ १८ मंगलवार १५:०६ मा प्रकाशित
