काठमाडौं । जिल्ला प्रशासन कार्यालय चितवनले जेठ २७ गतेसम्मका लागि निषेधाज्ञा थप गरेको छ । नयाँ भेरियन्ट सहितको कोभिड १९ को संक्रमण जिल्लामा अझैसम्म पनि उच्च जोखिममा रहेकाले निषेधाज्ञा थप गरेको हो ।
एक आदेश गर्दै जिल्ला कोभिड–१९ संकट व्यवस्थापन केन्द्र (डीसीसीएमसी) को एक साता निषेधाज्ञा थप्न सिफारिसमा प्रशासन कार्यालय चितवनले निषेधाज्ञा थप गर्ने निर्णय गरेको हो ।
जिल्ला प्रशासन कार्यालय चितवनले गत वैशाख १६ गतेरातिदेखि लागू हुने गरी वैशाख मसान्तसम्म निषेधाज्ञा जारी गरेको थियो । लगत्तै जेठ १३ गते राती १२ बजेसम्म र त्यसपछि जेठ २० गतेसम्म लागू हुने गरी निषेधाज्ञा लम्ब्याइएको थियो ।
प्रशासनले कोभिड संक्रमण रोकथामका लागि सबै नागरिकलाई निषेधाज्ञाको पूर्ण पालना गरी सहयोग गर्नसमेत आग्रह गरेको छ । भोलिदेखि लागू हुने निषेधाज्ञामा खाद्य वस्तुका पसलको हकमा भने केही खुकुलो गरिएको छ ।
यी हुन् संचालन गर्न नपाइने सेवा तथा कार्यहरु :
वि.सं.२०७८ जेठ १९ बुधवार १४:०८ मा प्रकाशित