काठमाडौं । नेपालमा पछिल्लो २४ घण्टामा ७ हजार २९९ जना कोरोना संक्रमणमुक्त भएका छन् । योसंगै हालसम्म संक्रमणमुक्त हुने संख्या ४ लाख ६१ हजार ५६३ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ५ हजार ३१६ जनामा कोरोना संक्रमण पुष्टि भएको छ । योसंगै नेपाल कुल संक्रमितको संख्या ५ लाख ७१ हजार ९०३ पुगेको छ ।
मन्त्रालयका अनुसार थप १०१ जनाको मृत्यु भएको छ । नेपालमा कोरोनाबाट मृत्यु हुनेको संख्या ७ हजार ५५५ पुगेको छ ।
२४ घण्टाको अवधिमा काठमाडौं उपत्यकामा १ हजार ४५६ जना संक्रमित थपिएका छन् । काठमाडौंमा ९६९ जना, भत्तपुरमा १८१ र ललितपुरमा ३०६ जनामा कोरोना संक्रमण पुष्टि भएको मन्त्रालयले जनाएको छ ।
वि.सं.२०७८ जेठ १९ बुधवार १७:०५ मा प्रकाशित
