काठमाडौं । साताको अन्तिम कारोबार दिन सेयर बजारमा उछाल आएको छ । आज बजार २९.५५ अंकले बढेको छ । बजार परिसुचक पनि २८५६.६७ अंकको बिन्दुमा पुगेर बन्द भएको छ ।
बिहीवार कारोबार रकम पनि बढेको छ । उक्त दिन १६ अर्ब ९० करोड ७० लाख ७३ हजार रुपैयाँ बराबरको सेयर कारोबार भएको छ ।
आज व्यापार समूह ९.६८ अंक, जलविद्युत ६०.०३, निर्जीवन बीमा ११३.३ र अन्य १५.९१ अंकले घटेको छ भने अरु सबै हरियाली देखिएका छन् ।
बिहीवार बैंकिङ समूह ५०.२५ अंक, होटेल तथा पर्यटन ११७.११, डेभलपमेन्ट बैंक १४६.०२, फाइनान्स ६२.८५, उत्पादक तथा प्रशोधन ७१.२४, माइक्रोफाइनान्स ४०.३५, जीवन बीमा ५.१२, म्युचुअल फण्ड ०.१९ र लगानी समूह ०.०७ अंकले वृद्धि भएको छ ।
आज पनि नेपाल पुनर्बीमा कम्पनीको सबैभन्दा बढी सेयर कारोबार भएको छ । कम्पनीको १ अर्ब २ करोड ७० लाख २७ हजार रुपैयाँ बराबरको कारोबार भएको हो ।
कारोबारकै आधारमा दोस्रो स्थानमा रहेको छिमेकी लघुवित्त विकास बैंकको ६८ करोड १६ लाख ५० हजार रुपैयाँ बराबरको कारोबार भएको छ ।
वि.सं.२०७८ जेठ २० बिहीवार १५:०४ मा प्रकाशित