काठमाडौं । साताको पहिलो कारोबार दिन सुनचाँदीको मूल्य उकालो लागेको छ । आइतबार नेपाली बजारमा छापावाला सुनको मूल्य तोलामा ७ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला ९४ हजार १ सय रुपैयाँमा खरिदबिक्री हुनेछ । अघिल्लो दिन अर्थात शुक्रबार तोलाको ९३ हजार ४ सय रुपैयाँमा कारोबार भएको थियो ।
शुक्रबार ९२ हजार ९ सय रुपैयाँमा कारोबार भएको तेजावी सुनको मूल्य आजका लागि भने ९३ हजार ६ सय रुपैयाँ निर्धारण गरिएको महासंघले जनाएको छ ।
यस्तै, आइतबार चाँदीको मूल्य पनि बढेको छ । चाँदी तोलामा १५ रुपैयाँले बढेर १३ सय ५५ कायम भएको महासंघले जनाएको छ । अघिल्लो कारोबार दिन प्रतितोला १३ सय ४० रुपैयाँमा खरिदबिक्री भएको थियो ।
वि.सं.२०७८ जेठ २३ आइतवार ११:२६ मा प्रकाशित