काठमाडौं । नेपाल पेट्रोलियम डिलर्स राष्ट्रिय एशोसिएशनले माग अनुसारको खोप शिघ्र उपलब्ध गराई दिनका लागि स्वास्थ्य तथा जनसंख्या मन्त्रालयलाई अनुरोध गरेको छ ।
एक विज्ञप्ति निकाल्दे कोरोना महामारीले विश्व आक्रान्त बनेको बेलामा पनि अत्यावश्यक सेवालाई सुचारु गर्न अग्रपंक्तिमा रही कार्य गर्ने पेट्रोलियम व्यवासयीहरुलाई शिघ्रा खोप उपलब्ध गराउन माग गरेको हो ।
विभिन्न मितिमा खोप माग गर्दा पनि उपलब्ध हुन नसक्दा व्यवसाय नियमित रुपमा संचालन गर्न कठिनाई भएको एशोसिएशनले जनाएको छ ।
एशोसिएशनले नेपाल आयल निगम र सम्वन्धित बाणिजय तथा आपूर्ति मन्त्रालयमार्फत खोप उपलब्ध गराउनका लागि गत फागुन ७ गते, वैशाख १७ र जेठ १३ गते लगातार पत्रचार गरेको र विभिन्न प्रदेशा अन्तर्गत संचालनमा रहेका पेट्रोल पम्पहरुको संचालक, कर्मचारी तथा फर्ममा रहेका टैंकलरीहरुका चालक/सहचालकहरु समेतको विवरण उल्लेख गरी खोप माग गरिएको र वाणिज्य मन्त्रालयले सोही अनुसार विवरण सहित स्वास्थ्य मन्त्रालयमा पठाईसकेपनि हालसम्म यस क्षेत्रलाई खोप उपलब्ध हुन नसकेको विज्ञप्तिमा उल्लेख छ ।
एशोसिएशनले १० हजार ३४६ कोभिड खोपको आवश्यक रहेको जनाएको छ । खोप उलब्ध हुन नसक्ने हो भने पेट्रोलियम कारोबार खुल्ला गर्न नसकिने अवस्था रहेको विज्ञप्ति मार्फत बताइएको छ ।
दिनानुदिन यस क्षेत्रमा कोरोना संक्रमित बढीरहेकाले जुनसुकै समयमा कारोबार बन्द हुन सक्ने भएकाले माग अनुसारको खोप उपलब्ध गराउनका लागि अनुरोध गरेको छ ।
पेट्रोलियमको कारोबार क्षेत्रमा कोरोनाका कारण हालसम्म देशभर ११ जनाले ज्यान गुमाएका छन् । करिब १ हजार २सय संक्रमित र संक्रिय संक्रमितको संख्या १६८ रहेको बताइएको छ ।
वि.सं.२०७८ जेठ २३ आइतवार १४:०३ मा प्रकाशित
