काठमाडौं । नेपाल आयाल निगमले अन्तराष्ट्रिय उडान तर्फको हवाई इन्धनको मूल्य घटाएको छ । सोमबार एक विज्ञप्ति निकाल्दै निगमले आजै राति १२ बजेदेखि (जेठ २३ गते) लागू हुनेगरि इन्धनको मूल्य घटाएको जनाएको छ ।
सोमबार बसेको निगमको संचालक समितिको बैठकले अन्तराष्ट्रिय उडान तर्फको इन्धनमा प्रति किलो लिटरमा १७८ अमेरिकी डलरले घटाएको हो ।
साविकको बिक्री मूल्य अमेरिकी डलर ८९३ प्रतिकिलो रहेकोमा घटाई नयाँ बिक्री मूल्य अमेरिकी डलर ७१५ प्रतिकिलो लिटर कायम भएको विज्ञप्ति मार्फत जनाएको छ ।
समितिको बैठकले कोरोनाका कारण सृजना भएको वर्तमान अवस्था रहुन्जेल अन्तराष्ट्रिय हवाई इन्धनमा बढीमा १५ प्रतिशतसम्म नाफा राखी मूल्य निर्धारण गर्ने नीति पारित गरेको हो ।
विस्तृतका लागि हेर्नुहोस् सूचना
वि.सं.२०७८ जेठ २४ सोमवार १३:०९ मा प्रकाशित