काठमाडौं । साताको दोस्रो कारोबार दिन सेयर बजारमा झिनो अंकको गिरावट आएको छ । आज बजार ०.२१ अंकले घटेको छ । बजार परिसुचक भने २९०६.७० अंकको बिन्दुमा पुगेर बन्द भएको छ ।
सोमबार अघिल्लो दिनको तुलनामा कारोबार रकम पनि घटेको छ । आज १५ अर्ब ८१ करोड ८६ लाख ५९ हजार रुपैयाँ बराबरको कारोबार भएको छ ।
उक्त दिन बैंकिङ समूह ३१.७४ अंक, व्यापार समूह ९२.२७, होटेल तथा पर्यटन ४२.४९ , माइक्रोफाइनान्स २२.४३, उत्पादक तथा प्रशोधन २१.२ र लगानी समूह ०.१ अंकले घटेको छ ।
आज डेभलपमेन्ट बैंक २६०.०६, जलविद्युत ९१.६५, फाइनान्स १६२.९४, निर्जीवन बीमा ३१.६५, जीवन बीमा १६.०४, अन्य ५.१ र म्युचुअल फण्ड ०.१ अंकले बढेका छन् ।
वि.सं.२०७८ जेठ २४ सोमवार १५:०७ मा प्रकाशित
