काठमाडौं । खाना पकाउने एलपी ग्याँसमा सरकारले दिएको २० प्रतिशत छुटप्रति नेपाल एलपी ग्यास उद्योग संघले ध्यानाकर्षण गराएको छ ।
कोरोना महामारकिो विषम परिस्थितिमा उपभोक्तालाई २० प्रतिशत छुटको व्यवस्था गरि पनि ९९ प्रतिशत उपभोक्ताहरु विभेदमा परेको भन्दै संघले ध्यानाकर्षण गराएको हो ।
सोमबार एक विज्ञप्ति जारी गर्दै संघले भनेको छ,– “कोरोनाबाट आर्थिक र गम्भिर स्वास्थ्य अवस्थामा पिडित मुलुक ९९ प्रतिशत एलपि ग्याँसका उपभोक्ताहरु विभेदमा परेको महसुस भएको र मुलुकमा सम्पूर्ण क्षेत्रहरुका उपभोक्ताहरुबाट उक्त छुट सुविधाको माग भएको हुँदा तत्काल उपलब्ध हुने व्यवस्थाका लागि नेपाल सरकारका सम्वन्धित निकायहरुसंग अनुरोध गरिन्छ ।”
हाल नेपालभर ५८ वटा एलपी ग्यासका उद्योगहरूबाट मुलुकभरिका उपभोक्ताहरूलाई विभिन्न डिलरहरु मार्फत ग्यासको बिक्री वितरण गर्दै आएकोमा काठमाडौं उपत्यका भित्र मात्र ३२ वटा सञ्चालनमा रहेको संघले विज्ञप्तिमा उल्लेख गरेको छ ।
विस्तृतका लागि हेर्नुहोस् विज्ञप्ति:
वि.सं.२०७८ जेठ २४ सोमवार १७:१८ मा प्रकाशित