काठमाडौं । राजस्व अनुसन्धान विभागले नक्कली बिल बनाइ राजस्व छली गर्ने १० जना विरुद्ध १७ करोड रुपैयाँ बढीको बिगो दावी गर्दै मुद्दा दर्ता गरेको छ ।
विभागले धरान उपमहानगरपालिका– बस्ने ग्लोवल इम्पेक्स इन्टरनेशनलका प्रोप्राइटर किसन कुमार अग्रवालविरुद्ध ४ करोड ४२ लाख ७ हजार ६७४ रुपैयाँ बिगो दावीसहित उच्च अदालत पाटनमा मुद्दा दर्ता गरिएको छ ।
विभागले धरान उपमहानगरपालिका–१२ बस्ने एस एन इन्टरनेशनलका रामनिवास अग्रवालविरुद्ध ४ करोड ५२ लाख ४२ हजार ७५३ रुपैयाँ बिगो दावीसहित उच्च अदालत पाटनमा मुद्दा दर्ता गरिएको छ ।
यस्तै रुपन्देही सिद्धर्थनगर नगरपालिका–६ बस्ने श्यामकुमार बानिया सहित २ जना विरुद्ध ५ करोड ५० लाख ८४ हजार ४२ रुपैयाँ बिगो दावीसहित उच्च अदालत तुलसिपुरमा मुद्दा दर्ता गरेको छ ।
विभागले वीरगञ्ज महानगरपालिका–१९ बस्ने भुसा सप्लायर्सका सञ्चालक दीपेन्द्र प्रसाद कलवार सहित ४ जनाविरुद्ध १ करोड २२ लाख ५० हजार ९०८ रुपैयाँ बिगो दावीसहित जनकपुर अस्थायी इजलास वीरगञ्जमा मुद्दा दर्ता गरिएको छ ।
यस्तै काठमाडौं कुलेश्वर बस्ने भारतीय नागरिक सत्यनारायण प्रसादविरुद्ध ९९ लाख ७५ हजार ६०० रुपैयाँ बिगो दावीसहित उच्च अदालत पाटनमा मुद्दा दर्ता गरिएको छ ।
विभागका अनुसार रौतहट वृन्दावन नगरपालि–६ बस्ने अमन कुमार तिवारीविरुद्ध ४० लाख रुपैयाँ विगो दावीसहित उच्च अदालत जनकपुर अस्थायी इजलास वीरगञ्जमा मुद्दा दर्ता गरिएको छ ।
वि.सं.२०७८ जेठ २४ सोमवार १७:४३ मा प्रकाशित