काठमाडौं । मंगलबार सेयर बजारमा उछाल आएको छ । साताको तेस्रो कारोबार दिन बजार ५३.४४ अंकले बढेको हो ।
उक्त दिन बजार परिसुचक भने २९६०.१४ अंकको बिन्दुमा पुगेर बन्द भएको छ । आज १६ अर्ब ९५ करोड १२ लाख ९९ हजार रुपैयाँ बराबरको सेयर कारोबार भएको छ ।
उक्त दिन होटेल तथा पर्यटन, माइक्रोफाइनान्स र लगानी समूह बाहेक सबै हरियाली बनेको छ । आज होटेल तथा पर्यटन १६.४५ अंक, माइक्रोफाइनान्स २४.२१ र लगानी समूह ०.९३ अंकले घटेको हो ।
आज बैंकिङ २०.१ अंक, व्यापार समूह १९.२७ अंक, डेभलपमेन्ट बैंक ३९८.२९, जलविद्युत ५८.३६, फाइनान्स १८५. ९३, निजीवन बीमा ५५४.१५, उत्पादक तथा प्रशोधन १२९.३, जीवन बीमा ६६८.५७, म्युचुअल फण्ड ०.३४ र अन्य ४५.६३ अंकले बढेको छ ।
आज पनि नेपाल पुनर्बीमा कम्पनीको सबैभन्दा धेरै सेयर कारोबार भएको छ । उक्त दिन कम्पनीको १ अर्ब ६ करोड ६४ लाख ६४ हजार रुपैयाँ बराबरको कारोबार भएको छ ।
वि.सं.२०७८ जेठ २५ मंगलवार १५:०८ मा प्रकाशित