काठमाडौं । प्रदेश नं. २ लोक सेवा आयोगले प्रदेश निजामती सेवाका अधिकृत नवौँ तह (अप्राविधिक/प्राविधिक) पदको खुला, समावेशी र अन्तर सेवा प्रतियोगित्मक लिखित परीक्षाको लागि दरखास्त आह्वान गरेको छ ।
प्रदेश आयोगको प्रशासन शाखाले बिहीबार एक सूचना निकाल्दै योग्यता पुगेका उम्मेदवारहरुबाट दरखास्त आह्वान गरेको हो ।
जसमध्ये अप्राविधिक तर्फ अधिकृत नवौँ तहका लागि खुला तथा समावेशी र अन्तर सेवामा ८ जना, स्वास्थ्य सेवा बाहेकको सेवातर्फ १२ जना, स्वास्थ्य सेवातर्फको विभिन्न पदमा १० जनाका लागि दरखास्त आह्वान गरेको हो ।
इच्छुक, योग्य नेपाली नागरिकले तोकिएको आवश्यक कागजात र सूचनामा उल्लेखितका आधारमा आवेदन दिन सक्नेछन् ।
विस्तृतका लागि हेर्नुहोस् सूचना :
वि.सं.२०७८ जेठ २७ बिहीवार १३:३६ मा प्रकाशित