काठमाडौं । बागमती प्रदेश सरकारले उत्पादन तथा रोजगारी सृजनाका लागि सहुलियतपूर्ण ऋण लगानी कार्यक्रमलाई निन्तरता दिएको छ ।
प्रदेश सरकारले आर्थिक वर्ष २०७८/७९ को नीति तथा कार्यक्रमले बैंक तथा वित्तीय संस्थाहरुको सहकार्यमा उक्त कार्यक्रमलाई निरन्तरता दिएको हो । प्रदेश सरकारले यसको प्रभावकारीताका लागि अध्ययन गरिने जनाएको छ ।
कोरोनाका कारण प्रदेशको अर्थतन्त्र र समग्र विकासमा परेको असरलाई न्युनिकरण गर्न लक्षित वर्ग र क्षेत्र विशेषमा पुनरुत्थान र पुनर्भरणका र्काक्रम ल्याईने बताइएको छ ।
साथै महामारीका कारण रोजगारी गुमाई आफ्नो गाउँ फर्किएका जनशक्तिलाई उद्यमशीलता विकास र रोजगारीका अवसरहरु सृजना गर्न मेरो गाउँः उद्यमसहित जिउँने ठाउँ लाई अभियानको रुपमा संचालन गर्ने नीति तथा कार्यक्रमा समावेश गरिएको छ । जसको लागि भौतिक पूर्वाधार निर्माण, उद्यमशीलता र रोजगारीका कार्यक्रम अगाडि बढाइने प्रदेश प्रमुख विष्णुप्रसाद प्रसाईले जानकारी गराउनुभयो ।
वि.सं.२०७८ जेठ २७ बिहीवार १८:४३ मा प्रकाशित