काठमाडौं । यस साता सेयर बजारमा १ करोड भन्दी बढी कित्ता सेयर थपिएको छ । यस विभिन्न तीन कम्पनीको सेयर नेपाल स्टक एक्सचेञ्ज(नेप्से)मा सूचीकृत भएको हो ।
यस साता नेप्सेमा लाइफ इन्स्योरेन्स कर्पोरेशन (नेपाल) लिमिटेड, सिईडिबी हाइड्रोपावर र ग्लोबल आइएमई लघुवित्त वित्तीय संस्थाको सेयर सूचीकृत भएको हो ।
तीन कम्पनीको कुल १ करोड १४ लाख १२ हजार ३ ६१.७८ कित्ता सेयर सूचिकृत भएको नेप्सेले जनाएको छ ।
जसमध्ये लाइफ इन्स्योरेन्स कर्पोरेशनको २० लाख १० हजार कित्ता सेयर सूचीकृत भएको छ । कम्पनीले १० प्रतिशत बोनस बापतको उक्त सेयर जेठ २५ गते सूचीकृत गराएको हो ।
यस साता सिईडिबी हाइड्रोपावर कम्पनीको आईपीओ सूचीकृत भएको छ । कम्पनीको ८३ लाख ९४ हजार १ सय कित्ता आईपीओ सूचीकृत भएको हो ।
यस्तै, यो हप्ता ग्लोबल आइएमई लघुवित्तको १० लाख ८ हजार २६१.७८ कित्ता सेयर सूचीकृत भएको छ ।
कम्पनीले स्पर्स लघुवित्त वित्तीय संस्थालाई १ः०.९० को अनुपातमा प्राप्ति गर्दा कायम हुन आएको प्रति सेयर अंकित तथा चुक्ता मूल्य एक सय रूपैयाँ दरको उक्त सेयर नेप्सेमा सूचिकृत गराएको हो ।
वि.सं.२०७८ जेठ २९ शनिवार १२:११ मा प्रकाशित
