काठमाडौं । भोलि अर्थात सोमबार आरएमडीसी लघुवित्त वित्तीय संस्थाको लिलामी सेयर आवेदन दिने अन्तिम दिन रहेको छ ।
लघुवित्तले एनआईसी एशिया बैंकको स्वामित्वमा रहेको ४ लाख २७ हजार ५९५ कित्ता संस्थापक सेयर जेठ १६ गतेदेखि लिलामीमा ल्याएको थियो ।
उक्त सेयरको न्युनतम मूल्य ४७७ रुपैयाँ तोकिएको छ । सेयर खरिद गर्दा आवेदकले सो वा सोभन्दा बढी मूल्य अंकित गरी बोलपत्र पेश गर्न सक्नेछन् ।
सेयर खरीदका लागि आवेदकले न्यूनतम १०० कित्ता र अधिकतम सबै कित्ताको लागि आवेदन दिन सक्नेछन् । बिक्री प्रबन्धकमा एनआईसी एशिया क्यापिटल रहेको छ ।
वि.सं.२०७८ जेठ ३० आइतवार ११:५१ मा प्रकाशित
