काठमाडौं । काठमाडौं जिल्ला प्रशासन कार्यालयले उपत्यकामा निषेधाज्ञा पुनः एक साताको लागि थप गरेको छ । तीन वटै जिल्लाका प्रमुख जिल्ला अधिकारीहरुको संयुक्त बैठकले असार ७ गतेसम्म निषेधाज्ञा जारी राख्ने निर्णय गरेका छन् ।
यसअघिको भन्दा केही खुकुलो हुने भएपनि निषेधाज्ञा भने एक साताको लागि थपिएको छ । थपिएको अवधिमा तरकारी, फलफूल, डेरी, मासु, डिपार्टमेन्ट स्टोर, किराना पसल विहान ११ बजेसम्म खुल्न गर्न सकिने छ ।
यस्तै पुस्तक पसल पनि बिहान ११ बजेसम्म खोल्न पाइनेछ भने हार्डवेयर पसलहरु दिउँसो ४ बजेदेखि खोल्न पाइनेछ । ठूलो परिमाणको ढुवानी राती मात्रै गर्न पाएने छ ।
वि.सं.२०७८ जेठ ३० आइतवार १७:१८ मा प्रकाशित