काठमाडौं । काठमाडौ महानगरपालिकाले भोलि (सोमबार) देखि पुनः कोरोना विरुद्धको खोप लगाउन सुरु गर्ने भएको छ ।
भेरोसेल खोपको पहिलो मात्रा लगाउन छुटेका ६० र ६१ वर्ष उमेर समूहका जेष्ठ नागरिकलाई जेठ ३१ गते र असार १ गते लगाइने भएको छ ।
जेठ २७ गतेबाट काठमाडौं महानगरपालिकाको ३२ वटै वडामा खोप लगाउन थालिएको थियो । दुई दिन ६३ र ६४ वर्ष उमेर समूहका वृद्ध वृद्धालाई खोप लगाईएको थियो । अब भने छुटेका ६० र ६१ वर्ष उमेर समुहका वृद्ध वृद्धाले पनि खोप लगाउने पाउने भएका छन् ।
वि.सं.२०७८ जेठ ३० आइतवार १८:०५ मा प्रकाशित
