काठमाडौं । बिमा समितिले पेशागत बिमा अभिकर्ता संघको विज्ञप्तिप्रति ध्यानाकर्षण भएको जनाएको छ ।
संघले बीमा समितिले ल्याएको संस्थागत बिमा अभिकर्ता निर्देशिकामा आपति जनाउदै जारी गरेको विज्ञप्तीप्रति समितिले ध्यानकर्षण भएको जनाएको हो । समितिले विज्ञप्ति जारी गर्दै संघले मुलुकमा सबै संस्थाहरुले एजेन्ट हुन नपाउने बिडम्बनापूर्ण अभिव्यक्ति दिएको जनाएको छ ।
समितिका अनुसार यस्तो अभिव्यक्तिले सीमित बीमा अभिकर्ताहरुले मात्रै बीमा सम्बन्धी काम गर्न पाउनुपर्छ भन्ने जस्तो एकाधिकारको पक्ष पोषण गरेको देखिएको जनाएको छ । यसले गर्दा बीमा सेवालाई देशको कुनाकाप्चामा रहेका विपन्न एंव न्यून आय भएका वर्गसम्म विस्तार गरी आगामी आवमा ३३ प्रतिशत जनसंख्याको पहुँचमा बीमाको सेवा पुर्याउने सरकारको लक्ष्यमा समेत वाधक पुग्ने देखिएको छ ।
वि.सं.२०७८ जेठ ३१ सोमवार १०:५३ मा प्रकाशित
