काठमाडौ । नेपाल विद्युत प्राधिकरणले एनटिपीसिले नेपालका कुनै पनि विमास्थलमा सोलार नराख्ने जनाएको छ । प्राधिरकणले विज्ञप्ति जारी गर्दैै यस्तो जानकारी गराएको हो ।
प्राधिकरणका अनुसार प्राधिकरण र एनटिपिसीबीचको सहकार्यमा प्रस्तावित मस्यौदामा नेपालका कुनै पनि विमानस्थलमा सोलार राख्ने भन्ने विषय छैनन् ।
उक्त प्रस्तावमा भारतीय सहयोगमा २०२३ सालमा निर्मित त्रिशुली आयोजनाको मूख्य नगर माथि राखिने गरी सोलार डिजाइन गर्न र स्थानीय तहहरुबाट उपलब्ध हुने जग्गामा ५०० देखि १ हजार किलोवाटको सोलार डिजाएन गर्न भारतीय कम्पनी एनटिपिसीसँग सहकार्य गर्न छलफल अघि बढेको बताइएको छ ।
प्राधिकरणका अनुसार उर्जा क्षेत्रमा नपाल–भारत संयुक्त निर्देशन समितिबाट विगतमा भएका वार्ता अनूरुप सौर्य र वैकल्पिक उर्जाका क्षेत्रमा सहकार्य गर्न नेपाल विद्युत प्राधिकरण र भारतको एनटिपिसी कम्पनीबिच सहकार्यको मस्यौदा तयार नेपाल विद्युत प्राधिकरणको सञ्चालक समितिमा छलफलका लािग पेश भएकोमा उक्त विषयमा कपोकल्पित भ्रम छर्ने प्रयास भएकोले यसबारे स्पष्ट हुन जरुरी रहेको देखिएको छ ।
वैकल्पिक उर्जा सम्बन्धी लघु जलविद्युत, सौर्य उर्जा र वायु उर्जा एंव पम्प जलाशययुक्त आयोजनाको सम्मिश्रण सम्बन्धमा एनटिपिसीसँगको सहकार्यमा अध्ययन गर्ने बारेको उक्त प्रस्तामा छलफल गरी निष्कर्षमा पुग्न प्राधिकरण प्रयासरत रहेको छ । सहकार्यको उक्त प्रस्तावित मस्यौदा प्राधिकरणको सञ्चालक समितिको बैठकमा छलफलको लागि पेश गर्ने हेतुले मात्र प्रमाणित गरिएको शैद्धान्तिक कागज भएको प्राधिकरणको भनाई छ ।
वि.सं.२०७८ असार १ मंगलवार १२:५१ मा प्रकाशित