काठमाडौं । नेपाल धितोपत्र बोर्डले इन्साइडर ट्रेडिङ र कर्नरिङ गरेर सेयर मूल्य बढाएको भन्दै ५१ वटा कम्पनीको नाम सार्वजनिक गर्दा विगत ८ महिनोखि सेयर कारोबार नभएको कम्पनीको नाम पनि समावेश गरेको छ । त्यो कम्पनी हो घोडीघोडा लघुवित्त वित्तीय संस्था ।
धितोपत्र बोर्डले सार्वजनिक गरेको ५१ वटा कम्पनीका उक्त संस्थाको पनि नाम राखिएको छ । तर घोडीघोडा लघुवित्त वित्तीय संस्था र युनिक नेपाल लघुवित्त वित्तीय संस्था एक आपसमा मर्ज हुने भएपछि २०७७ कात्तिक २३ गते नै घोडीघोडाको लघुवित्तको सेयर कारोबार रोक्का भएको छ । सेयर कारोबार नै नभएको कम्पनीको धितोपत्र बोर्डले इन्साइडर ट्रेडिङ र कर्नरिङ देखेको छ ।
वि.सं.२०७८ असार २ बुधवार ११:१८ मा प्रकाशित
