काठमाडौं । बागमती प्रदेश सरकारले निजामती कर्मचारीलाई छात्रवृद्धिसहितको तलबी अध्ययन बिदा प्रदान गर्ने भएको छ ।
निजामती कर्मचारीको क्षमता र मनोबल बढाउन स्वदेशी तथा विदेशी विश्वविद्यालयको प्रतिस्पर्धामा सहभागि भई स्नाकोत्तर वा विद्यावारिधिको लागि छनोट भएको यस्तो व्यवस्था गरेको हो । प्रदेश सरकारका अनुसार बढीमा दुई जना कर्माचारीले यस्तो सुविधा प्राप्त गर्न सक्नेछन् ।
यस्तै, प्रदेशमा समायोजन भएका कर्मचारीहरु, नव नियुक्त र बढुवा भएका कर्मचारीहरु, प्रहरी र शिक्षकहरुको अभिलेखलाई व्यवस्थित गर्न स्थापना भएको कर्मचारी अभिलेख केन्द्रलाई संचालनमा ल्याउन बजेट व्यवस्था गरेको बागमती प्रदेशको आर्थिक मामिला तथा योजना मन्त्री कैशाल प्रसाद ढुङ्गेलले जानकारी दिनुभयो ।
यस्तै, राष्ट्रसेवकलाई प्रदान गरिने सेवा सुविधालाई समय सापेक्ष बनाउन नेपाल सरकारले व्यवस्था अनुसार आउँदो साउन १ गतेदेखि प्रदेश मातहतका सबै राष्ट्रसेवकको तलबमानमा मासिक २ हजार रुपैयाँ गरेको मन्त्रीले ढुङ्गेलले जनाकारी गराउनुभयो । साथै हाल प्रदान गरिँदै आएको महंगी भत्तालाई निरन्तरता दिएको उहाँले बताउनुभयो ।
अन्य के-के ?
वि.सं.२०७८ असार २ बुधवार १३:३४ मा प्रकाशित