काठमाडौं । आन्तरिक राजस्व विभागले असार २५ गतेभित्र कर विवरण बुझाउन तथा कर दाखिला गर्न आग्रह गरेको छ ।
विभागले सूचना जारी गर्दै २०७७ चैत र २०७८ वैशाखमा बुझाउनु पर्ने शिक्षा सेवा शुल्क, टेलिफोन स्वामित्व शुल्क र दूरसञ्चार सेवा दस्तुर असार २५ गतेसम्म दाखिला गर्न भनेको छ ।
विभागले चैत र वैशाखको द्वैमासिक अवधिमा मूल्य अभिवृद्धि कर असार २५ गतेसमम बुझाउन भनेको छ । यस्तै चैत र वैशाखमा बुझाउनु पने अग्रीम करकट्टी भएको रकम र सो को विवरण पनि असार २५ सम्म बुझाउन भनेको हो ।
यस्तै चैत र वैशाखको बुझाउनु पर्ने अन्तःशुल्क विवरण बमोजिमको अन्तशुल्क पनि असार २५ सम्म बुझाउन भनेको छ ।
वि.सं.२०७८ असार ३ बिहीवार ११:४१ मा प्रकाशित