ललितपुर । महानगरीय प्रहरी वृत्त चापागाँउले बैंकिङ कसुर मुद्दामा फरार रहेका प्रतिवादीलाई प्रकाउ गरेको छ । गोदावरी नगरपालिका -१२ ठेचो बस्ने ४० वर्षीय हिरा महर्जनलाई चापागाँउबाट खटिएको प्रहरी टोलीले पक्राउ गरेको हो ।
जिल्ला अदालत ललितपुरको २०७२ पुस १५ गतेको फैसलाले वैंकिङ कसूर मुद्दामा ३ वर्ष कैद सजाय र बिगो बमोजिमको १ करोड १५ लाख ३८ हजार रुपैयाँ जरिवाना ठहर भई फरार रहेका थिए ।
उनलाई फैसला कार्यान्वयनको लागि ललितपुर जिल्ला अदालतमा बुझाइएको महानगरीय प्रहरी परिसर ललितपुरले जनाएको छ ।
वि.सं.२०७८ असार ४ शुक्रवार १२:५२ मा प्रकाशित
