काठमाडौं । नेपाल धितोपत्र बोर्डको विरुद्धमा सर्वोच्च अदालतमा रिट दायर भएको छ । शुक्रबार अधिवक्ता रविन बोहजुले अदालतमा ४ वटा सरकारी निकायलाई विपक्षी बनाएर रिट दायर गर्नुभएको छ ।
बोहजुका अनुसार रिटमा बोर्डले असार १ गते अस्वभाविक मूल्य बढाइएका भनेर नाम सार्वजनिक गरिएका ५१ वटा कम्पनीको बदर गर्न माग गरिएको छ ।
यसले आम लगानीकर्तालाई आतंकित बनाएको भन्दै त्यसको बदर गर्न माग गरेको उहाँको भनाई छ । ५१ वटा कम्पनी जोखिमयुक्त छ भनेर विज्ञप्ति निकाल्नु कानुन सम्मत नभएको भन्दै त्यसलाई खारेज गर्न माग दाबी गरेको अर्थतन्त्रलाई बोहजुले बताउनु भयो ।
बोर्डले ५१ वटा कम्पनीको सेयरमा कर्नरिङ, इन्साइडर टे«डिङ भएको भनिएपनि त्यसको कुनै मापन गर्ने विधि नभएको भन्दै त्यसमा उपयुक्त आज्ञा आदेश जारी गरिपाँउ भनिएको छ ।
रिट निवेदनमा लगानीकर्तालाई भयवित हुने कुनै पनि काम नगर्न नगराउन अन्तरिम आदेश माग गरिएको छ । रिट निवेदनमा धितोपत्र बोर्ड, कानून मन्त्रालय, नेपाल स्टक एक्सचेञ्ज (नेप्से)लाई विपक्षि बनाइएको छ । उहाँका अनुसार यसको पेशी ६ गतेका लागि तोकिएको छ ।
वि.सं.२०७८ असार ४ शुक्रवार १५:१८ मा प्रकाशित