काठमाडौं । आज (असार ६ गते) देखि एनआईसी एशिया बैंकले ऋणपत्र बिक्री खुला गर्ने भएको छ ।
बैंकले १० वर्षे अवधिका लागि वार्षिक ८.५ प्रतिशत ब्याजदरको ३ अर्ब बराबरको ३० लाख कित्ता ऋणपत्र बिक्री गर्ने भएको हो । जसमध्ये सर्वसाधरणमा १२ लाख कित्ता र १८ लाख कित्ता व्यक्तिगत तवबरबाट विभिन्न संस्थालाई बिक्री गर्ने बैंकले जनाएको छ ।
छिटोमा असार ९ गते र ढिलोमा असार २० गतेसम्म बिक्रीमा रहने उक्त ऋणपत्र खरिदका लागि न्युनतम २५ कित्तादेखि अधिकतम १५ लाख कित्तासम्म आवेदन दिन सकिने बैंकले जनाएको छ । प्रतिऋणपत्र १ हजार रुपैयाँ रहेको छ ।
उक्त ऋणपत्र बिक्री प्रबन्धकमा सनराइज क्यापिटल रहेको छ । उक्त ऋणपत्रमा बिक्री प्रबन्धकसंगै आस्वा सेवामा सहभागि सम्पूर्ण बैंक तथा वित्तीय संस्था र शाखा कार्यालय, मेरो सेयरमार्फात आवेदन दिन सकिने छ ।
वि.सं.२०७८ असार ६ आइतवार ०९:०१ मा प्रकाशित