काठमाडौं । आजदेखि सांग्रिला डेभलपमेन्ट बैंकले ऋणपत्र बिक्री खुला गर्ने भएको छ । बैंकले १० वर्षे अवधिको वार्षिक ९ प्रतिशत ब्याजदर भएको ७५ करोड बराबरको ७ लाख ५० हजार कित्ता ऋणपत्र बिक्री गर्ने भएको हो ।
जसमध्ये ३ लाख कित्ता सामूहिक लगानी कोषसहित सर्वसाधरणका लागि र ४ लाख ५० हजार कित्ता व्यक्तिगत तवरबाट विभिन्न संघ/संस्थाहरुलाई बिक्री गर्ने बैंक जनाएको छ ।
प्रतिकित्ता १ हजार रुपैयाँ अंकित गरिएको बैंकले जनाएको छ । उक्त ऋणपत्र बिक्री प्रबन्धकमा एनआईबीएल एस क्यापिटल रहेको छ ।
उक्त ऋणपत्र खरिदका लागि न्युनतम २५ देखि अधिकतम ३ लाख कित्तासम्म आवेदन दिन सकिने बैंकले जनाएको छ । आवेदन छिटोमा असार ९ र ढिलोमा असार २० गतेसम्म आवेदन दिनु सकिने छ ।
वि.सं.२०७८ असार ६ आइतवार ०९:३३ मा प्रकाशित