काठमाडौं । आज (असार ६ गते) देखि नबिल बैंकको सावमित्वमा रहेको स्वावलम्बन लघुवित्त वित्तीय संस्थाको संस्थापक सेयर लिलामीमा आएको छ ।
कम्पनीले १ लाख ९० हजार ६५३ कित्ता संस्थापक सेयर लिलामीमा ल्याएको । उक्त सेयरको न्यूनतम मूल्य प्रतिकित्ता ७५० रुपैयाँ तोकिएको छ । उक्त सेयर खरीदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्न सकिने बताइएको छ ।
बोलकबोल गर्दा न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था रहेको कम्पनीले जनाएको छ । बिक्री प्रबन्धकमा नबिल इन्भेष्टमेण्ट बैंकिङ्ग रहेको छ । उक्त सेयरमा असार १५ गतेसम्म गोप्य शिलबन्दी बोलपत्र पेश गर्न सकिने छ ।
वि.सं.२०७८ असार ६ आइतवार १०:३३ मा प्रकाशित
