काठमाडौं । चालु आर्थिक वर्ष सकिनै लाग्दा जम्मा ६३.२१ प्रतिशत मात्रै बजेट खर्च भएको छ । कोरोना महामारीका कारण सरकारले अपेक्षा अनुसार बजेट खर्च गर्न नसक्ने जनाएको छ । अहिलेसम्म जम्मा ६३.२१ प्रतिशत मात्रै बजेट खर्च भएको छ ।
सरकारले चालु आर्थिक वर्षको अर्धवार्षिक समिक्षामार्फत बजेट खर्चको संशोधित अनुमान १४ खर्ब ७४ अर्ब ६४ करोड ५४ लाख रुपैयाँबाट घटाएर १३ खर्ब ४८ अर्ब ६८ करोड रुपैयाँ रहेको छ । १३ खर्ब ४८ अर्ब ६८ करोडमा असार ५ गतेसम्म ९ खर्ब ३२ अर्ब १५ करोड ३० लाख रुपैयाँ खर्च भएको छ । चालु आर्थिक वर्ष सकिन अब २४ दिन बाँकी रहेको छ ।
असार ५ गतेसम्म चालु खर्च ७४.६७ र पुँजीगत खर्च ४२.५३ प्रतिशत मात्रै रहेको छ । शनिबारसम्म ७ खर्ब ८ अर्ब ६१ करोड ९६ लाख रुपैयाँ चालु खर्च भएको छ । यस्तै पुँजीगत खर्च ४२.५३ अर्थात १ खर्ब ५० अर्ब ११ करोड ५ लाख रुपैयाा रहेको छ । यस्तै वित्तीय व्यवस्थापनतर्फ ४२.४९ अर्थात ७३ अर्ब ४२ करोड २९ लाख रुपैयाँ खर्च भएको छ ।
यो अवधिमा सरकारले ८ खर्ब १७ अर्ब १६ करोड ४६ लाख अर्थात ८०.७७ प्रतिशत राजस्व संकलन गरेको छ । जसमा कर राजस्वतर्फ ७ खर्ब ६३ अर्ब १० करोड ३३ लाख अर्थात ८८.५९ प्रतिशत, गैरकर राजस्वतर्फ ५४ अर्ब ६ करोड १३ लाख रुपैयाँ अर्थात ५४.७१ प्रतिशत संकलन भएको छ ।
महालेखा नियन्त्रक कार्यालयमा असार ७ गतेसम्म १० अर्ब ७ करोड ५४ लाख अर्थात १६.५५ प्रतिशत अनुदान पाएको छ । सरकारले चालु आवमा १० खर्ब ११ अर्ब ७५ करोड ८४ लाख रुपैयाँ राजस्व संकलन गर्ने लक्ष्य राखेको थियो । तर सरकारले बजेटको अर्धवार्षिक समिक्षामा राजस्व संकलन लक्ष्य करिब ६ प्रतिशतले घटाएर ९ खर्ब ५९ अर्ब ६८ करोड रुपैयाँ राजस्व संकलन गर्ने लक्ष्य राखेको थियो । त्यो लक्ष्य कोरोनाले पुरा नहुने दिने सम्भावना न्यून प्राय रहेको छ । अबको २४ दिनमा सरकारलाई राजस्व संकलनको लक्ष्य भेटन असहज हुने सम्भावना बलियो देखिएको छ ।
वि.सं.२०७८ असार ६ आइतवार १३:१२ मा प्रकाशित
