काठमाडौं । नेपालमा स्थायी लेखा नम्बर लिने संख्यामा वृद्धि भएको छ । वैशाख मसान्त स्थायी लेखा नम्बर लिनेको कुल संख्या ४० लाख ४३ हजार ७९४ पुगेको छ ।
अर्थमन्त्रालयले सार्वजनिक गरेको चालु आर्थिक वर्षको बैशाख मसान्तसम्मको बुलेटीनको तथ्याङ्कले यस्तो देखाएको हो ।उक्त अवधिमा दर्ता भएका कुल करदातामध्ये सबैभन्दा बढी व्यक्तिगत स्थायी लेखा नम्बर लिनेको रहेको छ ।
बैशाख मसान्तसम्म व्यक्तिगत स्थायी लेखा नम्बर लिनेको संख्या २४ लाख ४१ हजार ५८६ रहेको विभागले जनाएको छ । यो स्थायी लेखा नम्बर लिने कुल संख्याको ६०.४ प्रतिशत हो ।
यस्तै, व्यवसायिक स्थायी लेखा नम्बर लिनेको संख्या १५ लाख ९३ हजार ७४, करकट्टी गर्ने निकायले लिएको स्थायी लेखा नम्बर ९ हजार १३४ पुगेको विभागले जनाएको छ ।
सैगरि मूल्य अभिवृद्धि करमा दर्ता भएका करदाताको संख्या २ लाख ८८ हजार ७०८ र अन्तःशुल्क दर्ता हुने करदाताको संख्या १ लाख ११ हजार ४९१ पुगेको छ ।
दर्ता खोरेजीबाट कायम भएको स्थायी लेखा नम्बर मात्र समावेश गरिएको विभागले जनाएको छ ।
वि.सं.२०७८ असार ६ आइतवार १४:३६ मा प्रकाशित
