काठमाडौं । पुँजिबजारको नियामक निकाय धितोपत्र बोर्डले असार १ गते ५१ वटा कम्पनीको नाम सार्वजनिक गरेपछि सेयर बजारमा निरन्तर गिरावट आउन थालेको छ ।
बोर्डले ५१ वटा कम्पनीको कारोबारमा इन्साईडर टे«डिङ भएका, कर्नरिङ भएको भन्दै सूचना सार्वजनिक गर्यो । त्यसलत्तै बजारमा निरन्तर गिरावट आइरहेको छ । सोमबारको कारोबारमा बजार मापन गर्ने सूचक ७१.०६ अंकले घटेर परिसूचक २८३४.४१ बिन्दुमा रोकिएको छ ।
२२७ कम्पनीको २ करोड २५ लाख २२ हजार ४९१ कित्ता सेयर ११ अर्ब ६१ करोड ९० लाख ३५ हजार ६७३ रुपैयाँको सेयर कारोबार भएको छ ।
कारोबारको सुरुदेखि नै बजारमा गिरावट सुरु आएको थियो । जुन अन्तिम समसयम्म पनि कायमै रह्यो । कारोबारमा सबै समूहको उपसूचकमा गिरावट आएको छ ।
बजारमा भारी गिरावट आउँदा नेपाल पुनर्बीमा कम्पनीको १ अर्ब ३० करोड ६१ लाख १५ हजार ६१४ रुपैयाँको सेयर किनबेच भएको छ । दोस्रो र तेस्रो स्थानमा हाईड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी दोस्रो र नागरिक लगानी कोष तेस्रो स्थानमा रहेको छ ।
वि.सं.२०७८ असार ७ सोमवार १५:०८ मा प्रकाशित