काठमाडौं । काठमाडौं उपत्यकाका तीन प्रशासन कार्यालयहरुले भोलिदेखि नियमति सेवा दिने भएका छन् । एक सूचना निकाल्दै जिल्ला प्रशासन कार्यालय काठमाडौंले भोलिदेखि सेवाहरु सुचारु गर्ने भएको जनाएको छ ।
कोरोना महामारीका कारण बैशाख १३ गतेदेखि स्थागित भएका अत्यावश्यक बाहेकका सम्पूर्ण सेवाहरु जनस्वास्थ्य मापदण्डसहित सुचारु गर्न लागेको हो ।
काठमाडौं उपत्यकामा थप एक साताका लागि निषेधाज्ञा थप गरिएको छ । आइतबार उपत्यकाका तीन प्रमुख जिल्ला अधिकारीहरुको बैठकले निषेधाज्ञा असार १४ गतेसम्मका लागि थप गरेको हो ।
वि.सं.२०७८ असार ७ सोमवार १७:४६ मा प्रकाशित