काठमाडौं । अपि पावर कम्पनीको हकप्रद सेयरमा माग अनुसार आवेदन नपरेपछि ४ दिनको लागि म्याद थप गरिएको छ ।
कम्पनीले यसअघि असार ९ गते (आजसम्म) आवेदन दिने व्यवस्था गरेकामा ४ दिन समय थपेर १३ गतेसम्म पुगेको छ । अब लगानीकर्ताहरुले असार १३ गतेसम्म आवेदन दिन पाइने भएको छ ।
अपिले प्रतिकित्ता १०० रुपैयाँ दरले ५६ लाख ७० हजार कित्ता हकप्रद सेयर निष्काशन गरेको छ । उक्त हकप्रदमा वैशाख २८ गतेसम्म कायम रहेका लगानीकर्ताले मात्रै आवेदन दिन पाउने छन् ।
यसको बिक्री प्रबन्धकमा मुक्तिनाथ क्यापिटल रहेको छ । १ अर्ब ९२ करोड ९७ लाख ५६ हजार रुपैयाँ चुक्ता पुँजी रहेको कम्पनीको १ः०.२९३८ अनुपातमा हकप्रद बिक्री गरेपछि २ अर्ब ४९ करोड ६७ लाख ५६ हजार रुपैयाँ चुक्ता पुँजी रहेको छ ।
वि.सं.२०७८ असार ९ बुधवार १०:२९ मा प्रकाशित