काठमाडौं । सांग्रिला डेभलपमेन्ट बैंकको ऋणपत्र बिक्री नभएपछि आवेदन दिने समय थपिएको छ । माग अनुसार आवेदन नपरेपछि २० गतेसम्मलाई समय थपिएको छ ।
बैंकले असार ६ गतेदेखि प्रति कित्ता १ हजार रुपैयाँको दरले ७५ करोड रुपैयाँको ७ लाख ५० हजार कित्ता ऋणपत्र निष्काशन गरेको हो । जसमा ३ लाख कित्तामा सर्वसाधारणले आवेदन दिन सक्नेछन् भने ४ लाख ५० हजार कित्ता बैंकले विभिन्न संघ–संस्थालाई बिक्री गर्नेछ ।
१० वर्ष अवधिको ऋणपत्रमा ९ प्रतिशत ब्याज रहेको छ । ऋणपत्रमा न्यूनतम २५ देखि अधिकतम ३ लाख कित्तासम्म आवेदन दिन सकिनेछ । यसको बिक्री प्रबन्धकमा एनआइबीएल एस क्यापिटल रहेको छ । ऋापत्रमा सी–आस्वा सदस्य बैंक तथा वित्तीय संस्था र मेरो सेयरबाट आवेदन दिन सकिने छ ।
वि.सं.२०७८ असार ९ बुधवार ११:०५ मा प्रकाशित