काठमाडौ । नेपाल धितोपत्र बोर्डले आगामी आर्थिक वर्ष २०७८-०७९ को नीति तथा कार्यक्रमको लागि सुझाव मागेको छ ।
बोर्डले असार २० गतेसम्म इमेल मार्फत नीति तथा कार्यक्रमका लागि सुझाव पठाउन बोर्डले आग्रह गरेको छ । बोर्डका अनुसार बस्तु विनिमय बजारको विकास तथा विस्तारका लागि बोर्डको नियमन तथा सुपरिवेक्षण क्षमता अभिवृद्धि गर्दै बजारलाई स्वच्छ, दिगो, पारदर्शी र अत्याधुनिक बनाउँदै लैजान आवश्यक रहेको छ ।
बोर्डबाट बजार सम्बन्धी नीति तथा कार्यक्रम तयार गर्दा सरोकारवाला पक्षहरुसँग समेत सल्लाह सुझाव लिई तर्जूमा गर्ने गरिएको र यसरी तयार भएपछि सो नीति तथा कार्यक्रमलाई सार्वजनिक गर्ने बोर्डको तयारी रहेको छ ।
त्यसैको लागि भन्दै सरोकारवाला पक्षलाई धितोपत्र बजार तथा वस्तु विनिमय बजारको विकास, विस्तार तथा सुधारका लागि आफ्नो सल्लाह तथा सुझाव असार २० गतेसम्म उपलब्ध गराउन आग्रह गरेको छ ।
वि.सं.२०७८ असार ९ बुधवार १३:०२ मा प्रकाशित
