काठमाडौं । सेयर बजारमा भारी गिरावट आएसँगै कारोबार रकमले पनि साथ छोडन थालेको छ ।
बुधबारको कारोबारमा बजार सुरु देखि नै गिरावट देखिएको थियो । निकै उतार चढावको बीचमा पनि दोहोरो अंकको गिरावट आएको छ ।
बजार मावन गर्ने सूचक ५३.८८ अंकले घटेर २८५९.९६ बिन्दुमा रोकिएको छ ।
२१८ कम्पनीको १ करोड ९४ लाख १७ हजार ५२३ कित्ता सेयर ८ अर्ब ३६ करोड २६ लाख ७१ हजार ६८० रुपैयाँको सेयर किनबेच भएको छ । यो दिन कारोबार रकम पनि निकै घटेको छ । अघिल्ला कारोबार दिनमा कारोबार रकम निकै बढने गरेको भएपनि यो दिन कारोबार रकम घटेको छ । बजारमा आएको गिरावट सँगै कारोबार रकम पनि घट्दा बजारप्रति लगानीकर्ताहरु सचेत बनेर लगानी गर्ने सोचमा देखिन थालेका छन् ।
कारोबारमा सबै समूहको उपसूचकमा निकै गिरावट देखिएको छ । यो दिन बैंकिङ २८.५४, विकास बैंक १६०.६६, जलविद्युत ७१.४९, निर्जीबन बीमा २८०.१२, माइक्रोफाइनान्स १००.३२, उत्पादन तथा प्रशोधन १२१.१३, जीवन बीमा समूहको उपसूचक ३८७.४२ अंकले घटेको छ ।
कारोबार रकमको आधारमा पुनर्बीमा कम्पनी अग्रस्थानमा रहेको छ । कम्पनीको ५४ करोड ३० लाख ३६ हजार रुपैयाँ बढीको सेयर कारोबार भएको छ ।
वि.सं.२०७८ असार ९ बुधवार १५:३२ मा प्रकाशित
