काठमाडौं । साताको चौँथो कारोबार दिन सेयर बजारमा भारी गिरावट आएको छ । ५१.६५ अंकले घटेको बजारमा ८ अर्ब ३६ करोड २६ लाख रुपैयाँ बराबरको कारोबार भएको छ ।
उक्त दिन विभिन्न ५ कम्पनीको सर्वाधिक कारोबार भएको छ । आज सबैभन्दा धेरै कारोबार नेपाल पुनर्बीमा कम्पनीको भएको छ । कम्पनीको ५४ करोड ३० लाख ३६ हजार रुपैयाँ बराबरको सेयर कारोबार भएको हो ।
आज ३ लाख १२ हजार ४५१ कित्ता सेयर खरिदबिक्री भएको नेप्सेले जनाएको छ । कम्पनीको सेयर मूल्य प्रतिकित्ता १ हजार ७१३ रुपैयाँ छ।
आज पुनर्बीमा कम्पनीसहित नेपाल इन्स्योरेन्स कम्पनी,राधी विद्युत कम्पनी, नेशनल हाइड्रो पावर कम्पनी र एचआईडीसीएलको धेरै कारोबार भएको हो ।
बुधवार नेपाल इन्स्योरेन्सको ४२ करोड ४८ हजार रुपैयाँ बराबरको ३ लाख ५५ हजार ६७४ कित्ता सेयर खरिदबिक्री भएको छ । कम्पनीको सेयर मूल्य प्रतिकित्ता १ हजार २४१ रुपैयाँ रहेको छ ।
बुधवार ९.७१ प्रतिशतले सेयर मूल्य वृद्धि भएको राधी विद्युत कम्पनीको ३८ करोड ४१ लाख ६८ हजार रुपैयाँ बराबरको कारोबार भएको छ ।
कम्पनीको सेयर मूल्य प्रतिकित्ता १ हजार २२० रुपैयाँ रहेको छ । कम्पनीको आज ३ लाख १५ हजार ८९९ कित्ता सेयर खरिदबिक्री भएको नेप्सेले जनाएको छ ।
यस्तै, आज नेशनल हाइड्रोपावर कम्पनीको पनि धेरै सेयर कारोबार भएको छ । कम्पनीको ३३ करोड ८९ लाख ५६ हजार रुपैयाँ बराबरको १० लाख २९ हजार २६६ कित्ता सेयर खरिदबिक्री भएको छ । कम्पनीको सेयर मूल्य प्रतिकित्ता ३२३ रुपैयाँ रहेको छ ।
त्यसैगरि, आज सर्वाधिकर कारोबरा गर्ने एचआईडीसीएलको ३० करोड ३१ लाख ७६ हजार रुपैयाँ बराबरको सेयर खरिदबिक्री भएको छ ।
कम्पनीको ६ लाख ३८ हजार ८८० कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ४६५ रुपैयाँ पुगेको छ ।
वि.सं.२०७८ असार ९ बुधवार १७:०५ मा प्रकाशित
