काठमाडौं । नेपाल धितोपत्र बोर्डले मुक्तिनाथ डेभलपमेन्ट बैंकलाई ऋणपत्र निष्काशनका लागि अनुमति दिएको छ ।
बोर्डले वार्षिक ८.७५ प्रतिशत ब्याजदर तथा ७ वर्ष अवधिको १ अर्ब २५ करोड रुपैयाँ बराबरको ऋणपत्र बिक्री गर्नका लागि बैंकलाई अनुमति दिएको हो ।
बोर्डले उक्त ऋणपत्र निष्काशनका लागि असार ८ गते अनुमित दिएको हो । बैंकले प्रतिइकाई १ हजार रुपैयाँको दरमा १२ लाख ५० हजार इकाई ऋणपत्र बिक्री गर्न लागेको हो ।
जसमध्ये ५ लाख इकाई सर्वसाधारणका लागि र बाँकी ७ लाख ५० हजार इकाई भने बैंकले आफ्नै पहलमा अन्य संघ/संस्थालाई बिक्री गर्नेछ । बिक्री प्रबन्धकमा सानिमा क्यापिटल मार्केट रहेको छ ।
वि.सं.२०७८ असार ९ बुधवार १७:३२ मा प्रकाशित
