काठमाडौं । नेपाल धितोपत्र बोर्डले १० पैसाको अन्तरमा सेयर कारोबार गर्न पाउने व्यवस्था कार्यान्वयनको लागि अन्तिम चरणमा पुर्याएको छ । अहिले लगानीकर्ताले १ रुपैयाँको अन्तरमा कारोबार गरिरहेका छन् । यसलाई घटाएर १० पैसाको अन्तरमा कारोबार गर्ने व्यवस्था गर्न लागेको बोर्डका अध्यक्ष भिष्मराज ढुंगाानाले बताउनु भयो ।
‘अहिले लगानीकर्ताले सेयर खरिद बिक्री गर्दा कम्तिमा पनि एक रुपैयाँको अन्तरमा अर्डर हाल्नु पर्ने व्यवस्था रहेको छ’ उहाँले भन्नुभयो ‘अहिले प्रि ओपनिङमा धेरै दबाब सृजना हुने र आईपीओको पहिलो कारोबारमा एकै मूल्यमा धेरै अर्डर पर्ने गरेको छ ।’ त्यसैले यो व्यवस्था गर्न लागेको उहाँको भनाई छ । कुनै कम्पनीको सेयर मूल्य ११० रुपैयाँ छ भने किन १११ हाल्ने त्यसको ठाँउमा ११० रुपैयाा १० पैसा हाल्दा ९० पैसा बच्ने र ठूलो रकममा कारोबार गर्ने लगानीकर्तालाई यसले राहत मिल्ने उहाँको तर्क छ ।
यस्तो अभ्यास विदेशमा निकै चलन चल्तिमा रहेको र नेपालमा पनि यो व्यवस्था गर्न लागेको उहाँको भनाई छ । यसको अहिले बोर्डको चलेको छलफल अन्तिम चरणमा पुगको र केही समयमा नै यो कार्यान्वयनको लागि नेप्सेलाई निर्देशन दिने तयारी रहेको उहाँको भनाई छ । नेप्सेले एक, दुई दिनमा सिस्टम बनाउने र कार्यान्वयनमा आउने उहाँको भनाई छ ।
वि.सं.२०७८ असार १० बिहीवार १०:१३ मा प्रकाशित