काठमाडौं । राजस्व अनुसन्धान विभागले भन्सार चोरी पैठारी गरी १८ करोड ६५ लाख २ हजार ७०६ रुपैयाँ राजस्व चुहावट गर्ने २ जनालाई मुद्दा दायर गरेको छ ।
विभागले राजस्व छलि गरेको अभियोगमा भारतीय नागरिक अशोक कुमार सिन्हा र निवेदिका सिन्हाबाट उक्त रकम विगो असुल गरी जरिवाना र कैद मागदावी लिई उच्च अदालत जनकपुर, अस्थायी इजलास विरगंजमा मुद्दा दर्ता गरेको हो ।
विभागका अनुसार सिंहपुर, रक्सौल, पूर्वी चम्पारण, भारतका उनीहरुले पर्साको विरगंज महानगरपालिका–५ रेशमकोठी स्थित श्री गणेश अपार्टमेन्टको तेस्रो तल्लाको फ्लाट नं. ३०३ खरीद गरी बसोबास गर्ने निवेदिका सिन्हा र उनका बुबा भारतीय नागरिक अशोक कुमार सिन्हाले २२ हजार ९५७.४८ ग्राम सुन र १ हजार ७८ ग्राम चाँदीका गरगहना अवैध रुपमा भन्सार चोरी पैठारी गरी लुकाइछिपाई राजस्व चुहावट गरेको विभागको भनाई छ ।
वि.सं.२०७८ असार १० बिहीवार १३:०२ मा प्रकाशित