काठमाडौं । चालु आर्थिक वर्षको पछिल्लो ११ महिनाको अवधिमा सवा तीन अर्ब बढीको सिमेन्ट किलिङ्कर आयात भएको छ ।
भन्सार विभागले सार्वजनिक गरेको जेठमसान्तसम्मको तथ्याङ्कले यस्तो देखाएको हो । जेठ मसान्तसम्म नेपालमा ३ अर्ब २० करोड २८ लाख १७ हजार रुपैयाँ बराबरको किलिङ्कर आयात भएको विभागले जनाएको छ ।
उक्त अवधिमा छिमेकी दुई मुलुक भारत र चीनबाट ६ लाख ५३ हजार १७८ टन सिमेन्ट किलिङ्कर आयात भएको देखिएको छ ।
बैशाख मसान्तसम्म ३ अर्ब ४६ करोड ३ लाख ८० हजार रुपैयाँ बराबरको किलिङ्कर आयात भएको थियो । एकै महिनाको अवधिमा ६ करोड ५९ लाख ७५ हजार रुपैयाँले किलिङ्कर आयात बढेको हो ।
चालु आवको पछिल्लो ११ महिनाको अवधिमा सबैभन्दा बढी भारतबाट आयात भएको देखिएको छ । उक्त देशबाट मात्रै ३ अर्ब ५२ करोड ६३ लाख ५२ हजार रुपैयाँ बरारबरको आयात भएको विभागले जनाएको छ ।
जेठ मसान्तसम्म ६ लाख ५३ हजार १७८ टन सिमेन्ट किलिङ्कर नेपाल आएको छ । बैशाख मसान्तसम्ममा भने ३ अर्ब ४५ करोड ५८ लाख ५२ हजार रुपैयाँ बराबरको किलिङ्कर आयात भएको थियो ।
यस्तै, उक्त अवधिमा चीनबाट २ टन मात्रै आयात भएको विभागको तथ्याङ्कमा उल्लेख छ । चीनबाट ३ हजार रुपैयाँ बराबरको सिमेन्ट किलिङ्कर आयात भएको विभागले जनाएको छ ।
बैशाख मसान्तसम्म भने ४५ लाख २८ हजार रुपैयाँ बराबरको क्लिङ्कर आयात भएको थियो ।
वि.सं.२०७८ असार १० बिहीवार १३:३३ मा प्रकाशित
